Намайг Г.Минжээ гэдэг. Канад улсад 2004 онд цагаачлан ирсэн. Анх намайг мэргэжилтэй боловсон хүчний ангиллаар цагаачлалд хандах үед хүмүүс цагаачлалын зөвлөх, хуульчид хандахыг санал болгож байсан. Харин надад хуульчид өгөх 4000 доллар байгаагүй хармаа хоосон байлаа. Өөрөө л бичиг баримтаа бүрдүүлж хандаж байсан. Immigration Canada-гийн цахим зааврын дагуу хийсээр амжилттай болж билээ. Дараа нь ингэж сурсан зүйлдээ урамшаад найз нөхөд, гэр бүлийнхээ гишүүдийг Канад улсад айлчлах, удаан хугацаагаар оршин суухад тусалдаг болсон. Тэдэндээ сурсан эрдмээрээ тусалж чадаж байгаа нь надад улам бүр урам зориг хайрладаг. Гэр бүл, найз нөхдөдөө туслах процесс надад олон сайхан боломжийг олгодог.