Academic Writing Skills

Академик бичих ур чадвар хичээлийн хүрээнд унших аргууд болох KWL, Mapping, SQR3 аргууд, мөн унших техникүүд, эх бүтээлийг уншихдаа тэмдэглэл хийх хүснэгтийн хэлбэрүүд, баримт бичгийн судалгаа хийх аргуудтай танилцуулна. Судалгааны сэдэв сонгоход хаанаас эхлэх тухай, юу ашиглаж болох, судалгааны асуулт гэж юу вэ? Сонгосон сэдвийг хэрхэн нарийвчлах тухай, сэдэвтээ тулгуурлан судалгааны саналын үндэслэл, зорилго, зорилт судлах зүйлийг бичихэд суралцаж, өөрийн сонгосон сэдвээр бичил судалгааны санал бичнэ. Эсээ түүний агуулга, хэлбэрүүд, бүтэцтэй танилцан, сонгон авсан сэдвээрээ эсээ бичих, түүнийгээ хянан тохиолдуулах, бүлгээрээ ажиллахад суралцана. Сонгон авсан судалгааны сэдвээрээ сонсогчдынхоо сонирхлыг татахуйц байдлаар хэрхэн танилцуулга хийхэд суралцана. Мөн өөрийн товч намтраа тэтгэлэгт хөтөлбөрт болон ажилд ороход зориулж бэлтгэх зэрэг агуулгыг энэ хичээлийн хүрээнд багтаасан юм.

...Англи хэлгүй юм чинь энэ хичээлийг сонгоод яах вэ, би ч болоогүй ээ.. гэж өөрийгөө голох биш, би чадна би сурна гэдэг нь эрмэлзэлтэй нь түрүүлж алхдагийг өмнөх шавь нар маань амжилтаараа харууллаа. Дэлхий ертөнц оролдсон, хүссэн хүнд нээлттэй байгааг ухаараасай, өөрийгөө хаана яваагаа олж хараасай гэж багш нь чин сэтгэлээсээ хүсэж, зорилгыг тань ахиулахад зам нь болог хэмээн энэхүү номоо бүтээсэн юм.