Отгонбаяр овогтой Наран-Ундраа миний бие Монголд их сургууль Программ хангамжийн инженер мэргэжлээр суралцаж байгаад сургуулиасаа оюутан солилцооны 1жилийн тэтгэлэгт хөтөлбөрт хамрагдаад 2022 онд Солонгос улсад суралцахаар ирсэн. Багаасаа л Солонгос улсад суралцах бяцхан мөрөөдөлтэй байсан надад энэ боломж гарч ирсэн нь хамгийн аз жаргалтай мөчүүдийн нэг байсан. Энэ хугацаанд хэлний бэлтгэлд суралцаж үргэлжлүүлээд мэргэжлээрээ Солонгосын их сургуульд бакалаврын зэрэгт суралцсан маш олон сорилт шинэ чалленжтэй цаг үед байсан бөгөөд энэ бүхэн алтан туршлага болж үлдсэн. Энэхүү бодит туршлагаасаа үүдэн дараа дараагийн дүү нар, залуустаа хэрэг болохуйц мэдээллийг илүү гоё дүрслэл, ойлгомжтой байдлаар хүргэхийг зорьсноор энэхүү цахим гарын авлага бичихээр болсон.