Батмөнхийн Мөнх-Эрдэнэ. Утга зохиол судлаач мэргэжилтэй. 1993 онд Төв аймгийн Баянцогт суманд төрсөн. 2011-2015 онд МУИС-“Утга зохиол судлал, шүүмж”-ийн ангийг төгссөн. 2017-2019 онд Улаанбаатарын их сургуульд хэл бичгийн ухааны магистрын зэрэг хамгаалсан. 2015-2018 онд “Монголын үнэн” сонинд сэтгүүлч, 2018 оноос ШУА-ийн Хэл зохиолын хүрээлэнгийн Утга зохиол судлалын салбарт ажиллаж байна. “Үгс” (2021) яруу найргийн түүвэр, утга зохиол судлал шинжлэлийн “Монгол шагайн наадгай” (2022) 
/хамтын/, “Монгол утга зохиолын нэвтэрхий толь” I, II, III боть (2022) /хамтын/, “Эрдэмтэн-зохиолч, академич Б.Ширэндэв: шинэлэг судалгаа” (2023) /хамтын/ зэрэг бүтээл хэвлүүлсэн.