БНХАУ-ын “Гадаад руу чиглэсэн хөрөнгө оруулалтын тухай Төрийн зөвлөлийн журам” нь 2026 оны 7 дугаар сарын 1-ний өдрөөс дагаж мөрдөгдөж эхэлсэн бөгөөд Хятад Улсын хөрөнгө оруулагч гадаад улс, бүс нутагт хөрөнгө оруулахтай холбоотой төрийн үйлчилгээ, зөвшөөрөл, бүртгэл, хяналт, эрсдэлийн удирдлага болон хариуцлагын үндсэн шаардлагыг тогтоожээ. Энэхүү журам нь Монгол Улсад хөрөнгө оруулах Хятадын аж ахуйн нэгж, байгууллага, хувь хүн төдийгүй тэдгээртэй хамтран ажиллах Монголын төрийн байгууллага, аж ахуйн нэгж, хуульч, зөвлөхүүдэд практик ач холбогдолтой. Тухайлбал, Хятадын хөрөнгө оруулагч шаардлагатай зөвшөөрөл, бүртгэл, тайлагналын ажиллагааг гүйцэтгэсэн эсэх нь төслийн санхүүжилт, хөрөнгө шилжүүлэлт болон гэрээний хэрэгжилтэд шууд нөлөөлж болно.

Энэхүү журам нь хэрэглэгчийн эрх ашгийг хамгаалах тухай хуулийн хэрэгжилтийг нарийвчлан зохицуулж, хэрэглэгчийн эдлэх эрх, бизнес эрхлэгчийн хүлээх үүрэг, төрийн захиргааны байгууллагын хяналт шалгалт, хэрэглээний маргаан шийдвэрлэх ажиллагаа, цахим худалдаа, шууд дамжуулалтын худалдаа, урьдчилсан төлбөрт үйлчилгээ зэрэг орчин үеийн хэрэглээний харилцаанд хамаарах зохицуулалтыг илүү тодорхой болгосон ач холбогдолтой эрх зүйн баримт бичиг юм.

БНХАУ-д сурдаг, эрүүл мэндийн тусламж үйлчилгээ авдаг, аялдаг, зорчдог, интернэт худалдааны платформоор дамжуулан тухайн улсаас бараа, бүтээгдэхүүн худалдан авдаг Монгол улсын иргэд болон харьцуулсан эрх зүйн судалгаа, эрдэм шинжилгээний ажилд зориулан “БНХАУ-ын Хэрэглэгчийн эрх ашгийг хамгаалах тухай хууль”-ийг хятад хэлнээс орчууллаа.