Үндсэн хуулийн хялбаршуулсан тайлбар Монгол Улсын Үндсэн хуулийн үзэл баримтлал, түүний зүйл, заалт бүрийн цаана ямар утга санаа, үнэт зүйл агуулагдаж байгааг хуульч бус, жирийн иргэдэд ойлгомжтой, амьдралд ойр хэлбэрээр тайлбарлан таниулахад оршино. Үндсэн хууль бол зөвхөн төр, засгийнханд биш, иргэн бүрийн өдөр тутмын амьдралд хамаатай зүйл гэдгийг ойлгуулахыг зорьсон байдаг.

Монгол Улсын Үндсэн хууль гэж юу вэ, түүнд ямар агуулга, үзэл баримтлал оршин байдаг вэ? Үндсэн хуулиа мэдэх нь ямар үнэ цэнтэй вэ? Эх орныхоо хөгжил дэвшил, гэгээн саруул ирээдүйн төлөө бид юу хийж чадах вэ? Энэ асуултад хамтдаа хариулахын тулд эцэг хуулиа эх болгон ухаарч мэдэх нь ирээдүйд хүрэх гүүр, ирэх цагийг бүтээх гэгээн алхам билээ. Хүүхэд залуус та бүхэн Монголын маргааш, эх орны ирээдүй та нарын зурх сэтгэлд, зүтгэл итгэлд буй. "Үндсэн үлгэр"-ээс эхэлсэн эрх зүй, танин мэдэхүйн аялал тань улам өргөжиж, Монгол Улсын Үндсэн хууль таны өдөр бур уншиж, судалдаг ширээний ном болох болтугай. Сайн үйлс, сайхан ирээдүйг манлайлагч, зөв Монгол хүн болж төлөвших эрхэм зорилгодоо хүртүгэй хэмээн Бүрэн эрхт Монгол Улсын эрх чөлөөт иргэн Танд энэхүү номыг зориулав. Монгол Улсын Их Хурлын дарга Гомбожавын Занданшатар