Суу билэг гэдэг бол цөөхөн сонгогдсон хүний эзэмшил биш. Хүн бүр өөрийн гэсэн давтагдашгүй суу билэгтэй төрдөг ба энэ ном таныг яг тэр билгээ олж, амьдралдаа буулгах ажилд хөтөлнө. Энэ бол Алтан замын эхний хэсэг буюу Идэвхжилийн эрэмбэтэй ажиллах гарын авлага юм. Идэвхжилийн эрэмбэ таны төрсөн он сар өдөрт үндэслэн үүсэх хологенетик профайлын дөрвөн үндсэн цэг буюу дөрвөн Суурь билгээс бүрдэнэ: Амьдралын ажил, Хувьсал, Цацрал, Зорилго. Амьдралын ажил бол таны гадагшаа илрэх хэлбэр, ертөнцөд өгөх бэлэг тань. Хувьсал бол таныг өсгөх гол сорилт - амьдралд тань дахин дахин эргэж ирдэг тэрхүү хэцүү хичээл. Цацрал бол таны эрүүл мэнд, амин хүч, хүмүүст мэдрэгддэг гэрэл. Зорилго бол бусад гурвыг нь хүлээн зөвшөөрч, нэгтгэсэн үед аяндаа тодрон гарч ирэх цөм билээ. Эдгээр дөрвөн тойргийг гурван зам холбоно: Сорилтын зам, Цөмрөлийн зам, Суурь тэнцвэрийн зам. Энэ дараалал нь чухал утга учиртай: бид эрхэм зорилгоо хөөж гүйгээд олдоггүй, харин өөрийн хамгийн том сорилттойгоо нүүр тулж, түүнийг тэвэрч чадсан үед л зорилго өөрөө ирдэг. Иймд Идэвхжилийн эрэмбэ таныг сорилтоосоо зугтаахгүй байхад сургадаг. Номын бүлэг тус бүрд та өөрийн Генийн түлхүүрүүдийг Сүүдэр, Билэг, Сидди гурван давтамжаар нь задлан авч үзэх ба Сүүдрээ таньж, түүнийгээ буруутгахгүйгээр ажиглах нь Билэг рүү хөтлөх анхны алхам байна. Мөн тойрог тус бүр дээрх 6 шугам тус бүрийн Сүүдэр, Билгийн давтамжтай ажиллах боломжтой. Тиймээс энэ бол унших ном биш, харин гартаа харандаа, дэвтэртэй, өөрийн профайлтайгаа зэрэгцүүлэн ажиллаж, тунгаан бясалгалын хэмнэлээр урагшлахад зориулагдсан. Хэрэв та амьдралын зорилгоо хайж яваа, эсвэл өөрийн авьяас чадвар яг хаана оршиж байгааг мэдэхийг хүсэж буй бол Идэвхжилийн эрэмбэ бол хамгийн зөв эхлэл. Гүн ухаан, сүнслэг ойлголтыг өдөр тутмын бодит амьдралтай холбож өгдөг нь энэ гарын авлагын хамгийн том үнэ цэн юм.

ДНХ-д нуугдах эрхэм дээд зорилгоо нээх аялалд таныг урьж байна. Ричард Рад хүний ухамсрын өөрчлөлтийг давтамжийн гурван түвшин буюу Сүүдэр, Билэг, Сидди гэсэн ойлголтоор тайлбарладаг. Сүүдэр бол айдас, хязгаарлалтад суурилсан хэв маяг, Билэг бол тэрхүү Сүүдрийг хүлээн зөвшөөрч, өөрчлөх үед илэрдэг жинхэнэ авьяас, Сидди бол хамгийн дээд, гэгээрсэн илрэл юм. Хамгийн чухал санаа нь: Сүүдэр бол дайсан биш, харин Билэг рүү хөтлөх үүд хаалга. Ном үндсэндээ 64 Генийн түлхүүрийг төлөөлөх, 64 бүлгээс бүрдэх ба бүлэг тус бүр Сүүдэр, Билэг, Сидди гэсэн гурван дэд бүлэгтэй. Хүний генетикийн кодтой холбогдох эдгээр 64 түлхүүр бүр өөрийн гэсэн Сүүдэр–Билэг–Сидди гурвалтай бөгөөд хүний зан төлөв, харилцаа, амьдралын сорилтын гүн давхаргыг тодруулж өгдөг. Та төрсөн он сар өдрөө ашиглан өөрийн хологенетик профайл-ыг үнэгүй үүсгэж авснаар өөрийн амьдралд хамгийн их нөлөөтэй түлхүүрүүдээ олж ажилласнаар зөвхөн өөрт зориулсан хувь заяаны хөтөлбөр, замналтайгаа ажиллах боломжтой. Энэ бол мэдээлэл аваад цээжилдэг ном биш. Харин яаралгүйгээр тунгаан бясалгах буюу олж мэдсэн зүйлсээ амьдралтайгаа холбон эргэцүүлж, мэргэн ухааныг дотроо нэрж боловсруулах таны анд нөхөр байна. Иймд номыг эхнээс нь дуустал нь дараалан унших албагүй — өөрт хамаарах Генийн түлхүүрээсээ эхэлж, сар, жилийн эрхээр ахин дахин эргэж харах боломжтой. Товчхондоо, "Генийн түлхүүр – Эрхэм зорилгоо нээ" бол өөрийгөө засах ном биш, харин өөртөө байгаа мэргэн ухааныг санаж, усалж ургуулах бүтээл. Хүн бүр төрөлхийн суу чанартай бөгөөд түүнийгээ нээх түлхүүр нь өөрийнх нь дотор аль хэдийн байдаг гэсэн итгэл дээр энэ бүтээл суурилдаг. Таны ДНХ-д зөвхөн биеийн тань мэдээлэл биш, амьдралын дээд зорилго тань бас бичигдсэн байдаг. Ричард Радын "Генийн түлхүүр" 64 бүхэл түлхүүрээр дамжуулан айдсаа Билэг болгон хувиргах, улмаар хамгийн дээд илрэл болох Сидди рүү хөтлөх замыг санал болгож байна. Энэ бол уншиж дуусгах ном биш — амьдралынхаа туршид тунгаан бясалгах урилга.