ХОЁРДУГААР ДЭВТЭР Бусдын нөхөрт туршихыг хориглоно Өөрийгөө хүндэлж хайрлаж сураагүй бөгөөд ханилан суугаа нөхрөө хүсэн хүлээсэн залуу минь гэж итгэдэггүйн учраас хувь тавилантайгаа эвлэрч яваа маш олон бүсгүйчүүдтэй тааралдсан. Гэхдээ бодит амьдрал дээр сэтгэлээсээ ханилан жаргах боломж зөвхөн өөртэйгөө харилцах харилцаанаас эхэлдэг гэдгийг олж таних үе аяндаа гарч ирдэг. Хэрэв та өөртөө үнэнч байж чадвал өөрийн хүсэж мөрөөдөж байгаа харилцааг бий болгож чадна. Миний хувьд долоон жилийн дараа сэтгэл минь тайтгарах замдаа орж өөртэйгөө шинээр харилцаад зогсохгүй, өөрийн хүсэж байсан ханиа олж, адал явдлаар дүүрэн зогсож байна. Ийм зүйл болно гэж төсөөлөө ч үгүй. Эмэгтэй хүн бүр өөрт нь зориулагдсан хязгааргүй боломжуудыг хүртээсэй гэж би чин сэтгэлээсээ мөрөөддөг. Тэгээд ямар боломж байгааг олоосой гэж чин сэтгэлээсээ хүсдэг. Та өөрийн замыг туулахаар зогсож байна. Би өөрийн амьдралаа, түүхээ та бүхэнтэй хуваалцаж байгаа минь таны замд саад тотгор учрахад даван туулахад тань тусалж өмнө чинь байгаа хязгааргүй боломжийг хүртэхийн тулд билээ.

НЭГДҮГЭЭР ДЭВТЭР Агуулга: Нөхрөө өөртөө дурлуулах нууцууд Эхнэртээ байгаагаараа хүлээн зөвшөөрөгдөж байгаа эр хүн улам илүү түүнийхээ төлөө бүхнийг хийх хүсэл тэмүүллээр бадран хүч чадлаар бялхаж байгааг та өөрийн амьдралаас тов тодорхой харсан шүү дээ. Мэдээж бүсгүй та хайрт нөхрөө урмын үгээр тэтгэн чин үнэнээр магтан сайшааж сурсан гэдэгт итгэлтэй байна. Нэн тэргүүнд нөхрөө алдаа, оноотой нь бүрэн дүүрэн хүлээн авах учиртай. Үгүй аваас түүнд зориулан хэлэх магтаал талархлын үг сэтгэлийн гүн рүү нь оролгүй чихнийх нь хажуугаар өнгөрөх болно гэдгийг та аль хэдийнээ мэдсэн байх учиртай. Эцэст нь та эр нөхрөө амьдралынхаа нэн тэргүүнд түүнд амьдралаа удирдан залах боломжийг бүрэн олгож чадсан уу? Магадгүй танд эр нөхрөө өөртөө татаж түүгээр насан туршдаа хайрлуулах эдгээр нууцуудаас суралцаж байхад тэртээ хол гэгээн алсын мөрөөдөл, үлгэрт л ийм зүйл байдаг байхдаа гэмээр сэтгэгдэл төрж болох юм. Зарчим: Энхрий ялдам эмэгтэй эр хүний сэтгэл зүрхийг хөдөлгөдөг – Нөхрийнхөө хайрыг түлхдэг сул тал надад бий юу? – Би амар тайван байдлаараа нөхрөө өөртөө татаж чаддаг уу? – Нөхрөө дахин дахин дурлуулахын тулд би юу хийж байна вэ? Өнөөдөр би нөхрөө гэртээ ирэхэд нь инээмсэглэн угтах болно. Би нөхрөө байгаагаар нь хайрлах болно. Би нөхрийнхөө өөрөөрөө бахархах сэтгэлийг нь өрдөх болно. Би өдөр бүр дур булаам эмэгтэй байх болно.