Асрамжийн газар өссөн бяцхан эгч дүүс амьдралын эрхээр гурван тийш салан одсон ч хоёр дүү нь эргэн төрж эгч дүүс дахин уулзалдана. Энэ үеэс эхлэн оршуулгын газарт сүнс нь хорогдон анаахай болсон сүнсний тухай гарах агаад бяцхан хоёр дүү нь эгчтэйгээ ахин уулзахдаа дунд дүү Хунсайхан нь мангасуудын оронд төрж ахин төрөл аван төрөхдөө ишиг болж элээнд шүүрүүлэн явахдаа уулын сүнс хиргисүүрийн сүнстэй таарна. Түүний сүнс хувилгаан чанартай эргэн төрсөн бол дүү охин Хунцэнгэл нь мөнх настан болж төрөх агаад мөнх настнууд нь үхэхгүй олон жилээр энд тэнд өөрсдийгөө нуун амьдрах агаад яагаад ийм болсон шалтгааныг тэд эрэн олдог. Эгч Хунцагаан дүү нартайгаа энэ амьдралдаа ахин уулзаж буй онц сонирхолтой ном ажээ.

Зохиолч,судлаач Ч.Хулангийн “Ай ванлий” өгүүллэгийн ном нь богино уянгын өгүүллэгүүд, хүний дотоод оршихуйн зан чанарын нууц, сэтгэл зүрх гэгч нь хувь хүний эзэн нь, энэ богинохон амьдралд уншигчдад үүнийг ойлгуулах гэж энэхүү номдоо тод томруун хүүрнэн өгүүлжээ. Монгол хүний дотогш өмөлзөх чимээгүй зан чанар ,зүрх сэтгэлийг эерэг талаас нь өгүүллэгтээ дүр болгон бичдэгээрээ онцлогтой агаад уг номын 'Ай Ванлий' өгүүллэг нь өмнө төрөлдөө хэлмэгдэн салсан хайр сэтгэлт хосууд дараа төрөлдөө ерөөл өргөн ахин энэ төрөлдөө хоёр биеэ танин уулзаж байгаа нь энэхүү номын гол онцлох бүтээл тул өгүүллэгийн нэрээр энэхүү номоо нэрлэжээ.

Зохиолч,судлаач Ч.Хулангийн “Ойн үлгэрч мөөг” үлгэрийн ном нь орчин үеийн сэтгэлгээ, хүүхдийн хүсэл мөрөөдөл, байгаль ертөнц, эх дэлхийгээ таних гэсэн тэдний бяцхан хүсэл сэтгэхүйд зориулан нэн сонирхолтойгоор бичсэн үлгэрүүд ажээ. Энэхүү үлгэрийн номын Орхон голын тууль нь бичилтийн хувьд онцлогтой агаад хүүхдүүдийн сонирхол татахуйцаар шүлэглэн бичиж, мөн хүүрнэн ярих үлгэр маягаар бичсэн нь нэн сонирхолтой ажээ. Ойн үлгэрч мөөг нь ойд амьдрах одой мөөг агаад мөөгнүүд үлгэр сонсох гэж тойрог хүрээлж ургадаг, мөн ёохор хатиран бүждэг, ганц хоногийн дотор ургадаг мөөг нь шидэт мөөг учраас түүнийг идсэн эгч дүүс аварга өндөр болж далай гатлан аялж буй тухай, маш жижигхэн болж хадны завсар амьдрах жижиг хүмүүстэй таарах, ойн эмгэн шулмаас тэднийг аварч байгаа гээд нэн сонирхолтой олон үлгэрүүд уг номд оржээ.

Зохиолч,судлаач Ч.Хулангийн “Шүлгийн түүвэр” уянгын яруу найраг, шүлгийн ном нь хүн байгалийн дотоод оршихуйн холбоос түүнийг улирлаас шалтгаалан хүлээн авч буй сэтгэлийн өчил хүүрнэлийг дагнан бичигдсэнээрээ онцлогтой. Салхи бороо намар, цэцэгсийн тухай ажиглан дотоод мөн чанараас урсан гарах хэмнэлээ шүлэг болгон тэрлэн бичдэг. Түүний шүлгийн онцлог нь гоё ганган үг хөөх бус дотоод мөн чанарыг энгийн үгээр үг холбон бичиж амьдралын тухай шүлэглэн бичдэг ажээ.

Алсын Харгуйт Зам ном нь зохиолч Ч.Хулангийн хоёр дахь ном бөгөөд уг ном нь үндсэн гурван бүлгээс бүрдэнэ.1р бүлэг “ Цасан цэцэг“ тэргүүт богино өгүүллэгийн хэсэг,2р бүлэг “ Хувь тавилантайгаа бүү хуйвалд“ тэргүүт кино зохиолууд, 3р бүлэг “ Өөрийгөө үгүйлэхүй“тэргүүт шүлгийн хэсгүүдээс бүрдэнэ.Уг номд орсон өгүүллэгүүдийг аудио хэлбэрээр сонсох боломжтой цувралаар бичигдсэн өгүүллэгүүд юм.