Биднийг ивээгч Бурхад гараг

Харь гарагийнхан тэдний харьцагч-Улаач ОХУ-ын иргэн Ирина Подзоровагаар дамжуулан, астрал /хий биеэр/ байдлаараа оршин шууд ярилцсан 300 орчим видео-бичлэг /Youtube-д байршуулсан/, Монголын улаачдаа заларч орчлон ертөнцийн талаар мэдээлэл дамжуулсан онгодуудын яриа зэргээс сэдэвлэн уг ном бүтээгдсэн юм.
Дэлхийд оюун ухаант Оршихуй бүтээх үйл явцын үр дүнд 3 сая жилийн тэртээ анхны хүн бий болжээ.
Хүн бүтээх гайхамшигтай ажиллагаанд манай Дэлхийг 5 сая жилийн тэртээ анх нээсэн Маралын одны ордонд орших Тумесоут гараг, Тэнгэрийн олом одны ордонд орших Бурхад гараг, Гончие Псы одны ордонд орших Селбет гарагууд ямархуу үүрэгтэй оролцсон тухай, Дэлхийн үр сад мич төрхөт амьтны 45 хувь, Бурхад гарагийн оюун ухаант Оршихуйн 45 хувь, Тумесоут гарагийн оюун ухаант Оршихуйн 15 хувь, Селбет гарагийн оюун ухаант Оршихуйн 5 хувийн генийг тээж явдаг тухай өгүүлнэ. Бурхад болон Тумесоут гарагууд нь хүн төрхөт өндөр соёл иргэншил, харин Селбет гарагт гүрвэл төрхөг соёл иргэншил юм.
Хүн дэлхийд амьдрах хугацаагаа туулж өнгөрүүлээд нас барсны дараа Сүнсний ертөнцөд хэрхэн оршдог, үйлийн үрээ хэрхэн эдэлдэг, Сүнсний ертөнц хэдэн үе шаттай оршдог, түүнчлэн байгаль, Дэлхийн оршихуйг хамгаалж, зохицуулдаг плазмоид ертөнцийн төлөөр сонирхолтой, танин мэдэхүйн их ач холбогдолтой баримтуудыг шинжлэх ухааны хялбаршуулсан ойлголттой холбон тайлбарлана.