Чамд юу тохиолдоо вэ?

Номын зохиогч Брюс болон Опра нар гуч гаруй жилийн турш траума, тархи, сэтгэлийн хат, эдгэрлийн талаар ярьж байна. Харин энэ ном бол өнгөрсөн хугацаанд өрнөсөн тэр бүх ярианы охь дээж нь юм. Энэ бүхний цаана орших шинжлэх ухааны үндэслэлийг тодорхой ойлгуулах үүднээс харилцан яриа хэлбэрээр бичиж, хүмүүсийн амьдралын түүхийг жишээ татан оруулсан болно.
Бие хүний хөгжил, төлөвшил, тархи, сэтгэл зүйн гэмтэл зэрэг өргөн цар хүрээг хамарсан сэдвийг чадан ядан уг номоор тайлбарлахыг хичээсэн билээ. 
Эл номыг эцэг, эх, хань ижил, үр хүүхэд нь сэтгэл зүйн гэмтэл авч, шархалсан хэн бүхэнд зориулж байна. Мөн, та “хүний ая тал хардаг”, “өөрийгөө дутуу үнэлдэг”, “яршигтай”, “хэг ёг”, “хажиг зожиг”, “ажилд тогтдоггүй”, “хүнтэй нийцгүй” гэж хэлүүлж байсан бол энэ номыг сонсоод үзээрэй. Эсвэл зүгээр л өөрийгөө, бусдыг илүү сайн ойлгохын тулд  сонсож ч болно. 
Доктор Перригийн эл номд тайлбарласнаар, стресст тархи ямар хариу үйлдэл үзүүлдгийг ойлгосноор өнгөрсөнд үзэж туулсан зүйлс бидний мөн чанар, зан авир, хийх үйлдлийг маань хэрхэн тодорхойлдог вэ гэдгийн учрыг олж чадна гэсэн үг. Ингэснээр бид бүгд өөрийгөө үнэлэх үнэлэмжээ өөрчилж, үнэ цэнээ мэдэрч, улмаар аливаа орчин, нөхцөл байдал, харилцаанд өөрөөр ханддаг болно. Энэ нь, өөрөөр хэлбэл, амьдралаа орвонгоор нь өөрчлөх түлхүүр юм.
Өгүүлэгч: Б.Пүрэвдагва, У.Мөнгөнцэцэг
Найруулагч: Д.Баярнэмэх, М.Сүрэнхорлоо
"МBOOK" студид бүтээв.
Зохиогчийн эрх хуулиар хамгаалагдсан 2025 он.