Хүн хүнээ бүтээдэг

Хүн өөр рүүгээ хэрхэн харж байгаагаараа амьдралаа бүтээдэг. Сэтгэлийн шарх нь хүнийг гэмтээгээд зогсохгүй өөрийгөө үнэлэх үнэлэмжийг эвдэж, далд ухамсарт шингэн хувь тавиланд хүртэл нөлөөлдөг. Эдгээгүй шархтай хүн өөрийнхөө зовлонг бусдад дамжуулж, санаанд оромгүй үйлдэл, зөрчил, салалт, алдагдлыг бий болгодог. Гэр бүл, харилцаанд илүү их сэтгэлийн шархтай нь бусдыгаа илүү зовоодог нь гашуун үнэн. 
Хүн ухаанаараа зөв бурууг ойлгож байсан ч сэтгэлийн шарх удирдлага авбал хэзээ ч хийхгүй гэж бодсон зүйлээ хийж, дотоод зөрчилд ордог. Сайн зүйл хүсдэг атлаа амьдрал дээр эсрэгээрээ үйлдэл гарч байвал энэ нь сэтгэлзүйн гэмтлийн дохио юм. Энэхүү ном нь эдгээр ойлгомжгүй асуудлын уг шалтгааныг нээж, өөрийгөө эдгээх замд хөтлөх “өөрийгөө болон амьдралаа хайрлах” аяллын тийз болно. Шарх амьдралыг өөрчилдөг шиг эдгэрэл ч мөн амьдралыг өөрчилнө.