#58 Хүргэн Тэмүжиндээ сайнаар хандсан Дэ Сэцэн

Тэмүжин 9 настайгаасаа хойш Бөртэг харалгүй байж байгаад 10-аад жилийн дараа очиж авсан. Энэ хооронд Дэ Сэцэн өөрийн хүргэнд тохиолдож буй бүхнийг алсаас ажиглан санаа зовж байжээ. Түүнд Тэмүжинд өгөх цэрэг байсангүй. Харин 9 настайд нь өгнө гэж амласан, хожмын Их Монгол Улсын хатан Бөртэ л байсан. Хүнд юу тохиолдож байгаа нь чухал биш. Харин хэрхэн шийдэж байгаа нь тухайн хүнийг тодорхойлдог. Тэмүжин зовлон дунд жинхэнэ ирлэсэн илд мэт хурц, урсгал ус мэт тэвчин туулах удирдагч болсныг Дэ Сэцэн харсан тул охиноо шууд өгсөн.