Шилдэг борлуулалттай “Сэтгэ, баяж” номдоо Наполеон Хилл мэргэжлийн түвшинд амжилт гаргаж чадсан америк бизнес эрхлэгчдийн мэдлэгээс хуваалцсан юм. Харин удаах бүтээл болох “Чөтгөрийг мэхлэх нь” номдоо бүтэлгүйтэл, муу зуршил нь боломж бололцоогоо бүрэн нээхэд хүнд хэрхэн саад болдгийг судалж, чөтгөртэй ярилцлага хийгээд авчээ.
Уг ном нь чөтгөрийн нөлөөнөөс хэрхэн зайлсхийж, тууштай зорилго тавих замаар идэвхгүй, хорлонтой байдлын урхийг тойрч, эерэг дадал зуршлыг бий болгон, бүтэлгүйтлийг ялахыг заах хөтөч билээ. Өөрөөр хэлбэл, хувийн амьдрал, карьертаа амжилт гаргаж, нөөц бололцоогоо тэлэх боломжийг олгох юм.
