Уулзалт, цуглаанд орохоор тухгүй санагдаж, бусадтай нандин, гүнзгий харилцаа тогтооход тань хүндрэл учирч байна уу? Харилцааны асуудлуудаа даван гарч, бусадтай өөртөө итгэлтэйгээр холбоо тогтооход тус болох үр дүнтэй аргуудыг Лейл Лаундес “Хэрхэн хэнтэй ч харилцаж чаддаг болох вэ” номдоо тусгажээ.
Энэхүү зөвлөмжөөр дамжуулан та ярианы урлагийг эзэмших, бөх бат холбоо тогтоох Лаундесын ур ухаантай танилцах болно. Та ганц ч үг дуугарахгүйгээр бусдад эерэг сэтгэгдэл төрүүлж, харьцахыг хүссэн хүмүүстэйгээ өөртөө итгэлтэйгээр, утга учиртай яриа өрнүүлж, нийгмийн аль ч орчинд тайван байх талаар мэдэж авах билээ. Та ажил дээрээ ч, хувийн амьдралдаа ч хүмүүстэй чин сэтгэлээрээ холбогдох ур чадварыг эзэмшиж, тэрхүү харилцааныхаа үр шимийг хүртэнэ.
