Орчуулсан: Лингостик ХХК | Орчуулгын үйлчилгээ
Олон хүний хувьд хөрөнгө оруулалт, ялангуяа хувьцааны зах зээлд хөрөнгө оруулах явдал нь өөр ертөнцийнх мэт, хүрэхэд хэцүү, бас эрсдэлтэй, түгшүүртэй санагддаг. Гэхдээ зах зээл нь тогтвортой зарчмыг дагадаг бөгөөд урт хугацааны стратеги боловсруулах боломжийг бий болгож өгдөг билээ. Зах зээлийн хувиралт болоход хөрөнгө оруулагчид сайн хамгаалалттай байвал сүйрэл болохгүй. Үнэнийг хэлэхэд хувиралт байхгүй бол санхүүгийн эерэг боломж тун цөөхөн гарах болно. “Хувиршгүй” номдоо зааварлагч, хувиараа бизнес эрхлэгч Тони Роббинс залуу хүмүүст хүртэл илүү хүртээлтэй болгохын тулд хувьцааны зах зээлийн энгийн дүрмүүдийг хуваалцжээ. Тэр энэхүү номоороо бидэнд эрүүл ухаантай, амар тайван байдлаар хөрөнгө оруулалтын ертөнцийн тухай ихийг сурахад тусалж байгаа юм.
