Орчуулсан: Лингостик ХХК | Орчуулгын үйлчилгээ
Энэхүү товч номыг уншсанаар та түүхийн турш эрэгтэйчүүдээр удирдуулдаг байсан ертөнцөд эмэгтэйчүүд хэрхэн хүчирхэг, эрх мэдэлтэй удирдагчид байж чадахыг сурах болно.
Мөн та:
● Эмэгтэйчүүд хуучны нийгмийн хүлээлтийн эсрэг тэмцэж чадна;
● Бүтэлгүйтэл нь шинэ, хүчирхэг, биеэ даасан удирдагчийг бий болгох хурдасгуур юм;
● Бүтээмж сайтай удирдагчид заавал тодорхой нэг хүйс, үндэс угсаа, нас, мэргэжил, зэрэг зиндаанд багтдаг хүн байх албагүй;
● Та өөрийн ололт амжилт болон улам илүүд хүрэх гэсэн эрмэлзлийнхээ аль алинд нь талархаж болно;
● Хувь хүний шийдэмгий байдал хэдий хүчирхэг ч гэсэн сүргийн нэг хэсэг байх нь таныг зогсошгүй болгоно гэдгийг мэдэж авах юм.
Эмэгтэйчүүдийг үзэн ядах үзлийг дэмжиж, үндэстний хэмжээнд хууль ёсны болгосон өнөөгийн ертөнцөд хүйсийн тэгш эрхийн төлөөх тэмцэл улам бүр л хүнд болж байна. Ялах боломжгүй мэт санагдах тэмцлийн урд зарим нь уурлаж, зарим нь улам хөдөлмөрлөж байгаа ч заримд нь огт хамаагүй мэт санагдах болжээ. “Чонын сүрэг”-т Олимпын хошой медальт, FIFA (олон улсын хөл бөмбөгийн холбоо)-ийн аварга, олон улсын дээд амжилт тогтоосон хаалгач, нийгмийн идэвхтэн, илтгэгч Абби Вамбак дэлхий дээрх хуучны хүйсийн хэм хэмжээг халж, шинэ зам мөрийг бүтээх гэсэн эмэгтэйчүүдэд зориулан дагах хэрэгтэй хэд хэдэн дүрмийг жагсаасан байна. Вамбакийн хуваалцаж буй мэдээлэл эмэгтэйчүүд рүү чиглэсэн хэдий ч удирдагчийн тухай санаа, эрх мэдэл болон өөрчлөлт нь хүн бүрд хамаатай асуудал билээ. Хүн бүрийг удирдагч болоход нь дэмжих зорилготой шинэ дүрмийг үзээд та дэлхийг өөрчлөхөд бэлэн үү?
