Орчуулсан: Лингостик ХХК | Орчуулгын үйлчилгээ
Юм бүтээх дотоод хөдөлгөх хүч зарим амьтанд байдаг ч зөвхөн хүмүүс л цоо шинэ зүйлс зохион бүтээх чадвартайг та мэдэх үү? “Тэгээс нэг рүү тэмүүлэх нь” номдоо бизнес эрхлэгч, нэрт хөрөнгө оруулагч Питер Тиэл эдийн засгийг хөгжүүлэх, хүн төрөлхтнийг дэвшилд хүргэх гол арга нь шинэ, өвөрмөц санаа гаргах юм гэж онцолжээ. Блейк Мастерстай хамтран бичсэн энэхүү номын санаа Стэнфордын их сургуулийн гарааны бизнесийн хичээлээс урган гарсан юм. Мастерс тэр үед оюутан, бас Тиэлийн хамтран зүтгэгч байжээ.
“Тэгээс нэг рүү тэмүүлэх нь” ном шинэлэг санаагаар түүчээлсэн компани байгуулах ертөнцийг гүн гүнзгий судлах болно. Технологийн салбарт бизнес эрхлэгчийн хувиар олж авсан Тиэлийн арвин туршлагад үндэслэсэн энэхүү номд шинийг санаачлахад амжилтад гарцаагүй хүргэх заавар байдаг гэсэн ойлголтыг няцаасан юм. Тиэлийн үзэж байгаагаар, шинэ санаа бүр мөн чанартаа өвөрмөц байдаг. Тиймээс шинийг санаачлах гэдэг нь нийгмийн жишиг болсон аргуудын эсрэг чиглэдэг аж. Хамгийн гол нь бусдын судалж үзээгүй, хүний гар хүрээгүй талбаруудыг олж нээх явдал юм.
Дараа дараагийн хуудсаар сонирхолтой ойлголтууд, шинийг санаачлах, нээгдээгүй байгаа санаануудыг олох, технологийн гайхамшгуудыг бүтээн ашиглахын ач холбогдлыг судлах юм. Бид өөрчлөлт авчрах аялалд хамтдаа гарч, хязгааргүй боломж бололцоогоо нээх түлхүүрийг олж нээнэ.
