Сүүжин ээмэг

Үнэхээр сонирхолтой сүлжсэн, гайхалтай бүтээл. Аргагүй л эмэгтэй хүний ур ухаанаас буусан, цомхон хөөрхөн тууж байлаа. "Алиа Сэндэр" бүжгэн жүжгийн гол дүр болох хөөрхөн Сэндэрт хайртай залуу нь тоглолтын өмнө нэгэн сүүжин ээмэг зүүж өгсөн нь энэ зохиолын зангилаа болжээ. Гол зангилаагаа дагуулан мэтгэж, орчин үеийн нэгэн бүсгүйн дүрийн урлан шагласан байна. Түүнээ "Сэндэр охин" хэмээх түүхэн дууны домогтой эвтэйхэн сүлжсэн нь ч уншууртай, сонирхолтой болгосон байна.
Юу уншсанаа тогтоон бодвол Монголын уран зохиолд нэг гэгээхэн тунгалаг горхи мяралзан орж ирсэн мэт сэтгэгдэв. Тэр горхи таны сэтгэл дундуур цэлсхийн урсаад өнгөрөхдөө сэтгэлд чинь сүүжин ээмгээ зүүгээд өнгөрөх биз ээ. Оюун ухаанд чинь энэ бүтээл хэзээ ч мартагдахааргүй хадагдан үлдэнэ гэдгийг анх уншсан хүний хувьд ам бардам хэлж чадах байна. 
Үнэхээр сонирхолтой сүлжсэн учир нэг л барьж авбал тавьж чадахгүй дуусгах нэг л тийм сонирхолтой шинжтэй ажээ.