"Доктор Мэрагийн гэмт хэрэг" бол хар дарсан зүүд шиг гаж, түгшүүртэй өгүүлэмжээр дүүрэн бүтээл. Марүноүчи дүүргийн үнсэн саарал байшингууд, сарны муу ёр татсан туяа, адилхан хоёр хавцлын дүрслэл нь толинд өөрийнхөө аймшигтай хувилбарыг харж байгаа мэт зэврүүн мэдрэмж төрүүлнэ. Эдогава Рампо санаанд оромгүй аллага, садомазохист шинжтэй гаж тоглоомуудыг адал явдалт зохиолын уран сэтгэмжтэй хослуулж, сонсогчийг гарцгүй хонгилд төөрүүлж орхидог. Харин яг аймшгийн гүн рүү унах гэж аргагүй болсон мөчид гэнэтхэн тэр хонгилоос түлхэн гаргаж орхих нь Рампогийн онцгой арга барил. Энэ л түүний төгс чанар, япон хэв маяг юм. Өгүүлэгч: Б.Дархансүх Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2025 он.

Монголын уран зохиолд анхны модерн бичлэгийн аргыг туршиж, шинэ эрэлхийлэл, илэрхийллийг бий болгосон Ч.Мөнхбаярын бүтээлүүд дүрслэлийн цоо шинэ, онцгой жишээ болсон юм. Өдгөө түүний бүтээлүүд худалдаанд үгүй байсан бөгөөд Хар муур хэвлэлийн газрын зүгээс энэхүү содон туурвигчийн туужийг “Юу ч биш” нэрийн дор эмхэтгэн уншигчдад дахин хүргэж байгаа нь тун олзуурхууштай. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2025 он.

Зохиолын гол дүр рок од болохоор шийдсэн залуу Нэргүй хөдөө буйд өртөөнөөс мөрөөдлөө биелүүлэхээр Улаанбаатарт ирснээр үйл явдал өрнөнө. Түүнийг зураач болох хүсэлтэй асан талийгаач найзынх нь сүнс ийш хөтөлжээ. Найзынх нь сүнс нэгэн үзэсгэлэнтэй зураач бүсгүйтэй түүнийг учруулна. Гэвч найзынх нь сүнс хайртай бүсгүйнх нь бийрт шингэж олон гайхамшигтай бүтээл төрүүлжээ. Энэ нь хүнд металл рок хөгжимд гүн автсан Нэргүйд таалагдсангүй. Нэгэнт уран бүтээл хийгээд оршихуйн уналтад орсон залуу зураач бүсгүйн “шидэт” бийр будгийг нууж, “Миний сэтгэл-рок” нэртэй тэмдэглэлд бүх нууцаа бичиж үлдээгээд хорвоог орхижээ. Зураач бүсгүй тайлал бүхий тэмдэглэлийг олж уншиж өөрийн бийрээ олох болов уу? Өгүүлэгч: Э.Алтангэрэл Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2025 он.

Ковид цар тахлын хөл хорионы дэглэм ноомой нь дэндсэн эрдэмтний амьдрах хэв маяг хийгээд амьдралын философи, ертөнцийг үзэх үзлийг орвонгоор эргүүлж орхино. Хэзээ тахал тусаж мэдэх тодорхой бус айдаст автсан эрдэмтэн нэг л мэдэхэд цуврал алуурчин, гаж хүчирхийлэгч болон хувирна. Энэ хөл хорио хэзээ нэгэн цагт тавигдаж энгийн амьдралд шилжих болбол хийсэн хэргийнхээ ул мөрийг хэрхэн баллах вэ гэх айдас түүнийг зовооно. Тиймээс хөрс судлалын эрдэмтэн мань эр цогцсуудыг устгах шинжлэх ухааны өвөрмөц туршилт хийхээр шийднэ. Өгүүлэгч: Б.Пүрэвдагва Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.