Сарны зурхайн 12 жилийн болоод Нарны зурхайн 12 ордод төрсөн хүүхдүүдийн зан төлөвийн онцлог, авьяас чадвар, сэтгэхүйн хөгжил болоод тэднийг хүмүүжүүлэхэд хэрэг болохуйц мэдээллийг багтаасан онцлогтой ном. Өгүүлэгч: Б.Ариунзул Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Берлин дэх асрамжийн газрын ахмадуудын амьдрал. Энэ ном нь ахмадуудын асрамжийн газрын хаалттай хаалганы цаана нуугдах бодит амьдралыг нээж харуулж байгаагаараа онцлог! "Герман улсын Берлин хотын нэгэн асрамжийн газарт амьдарч буй орчин үеийн өндөр настнуудын амьдралыг мөн тэдний түүхийг бодит байдалтай нь, гүн гүнзгий сэтгэл хөдлөл, эргэцүүлэлтэйгээр өгүүлэх болно. Зохиогч өөрийн долоон жилийн ажлын туршлагаасаа үндэслэн, асрамжийн газарт амьдардаг өндөр настнуудын үлдсэн амьдралаа хэрхэн туулдаг талаар олж харсан, мэдэрсэн зүйлсээ хуваалцсан болно." Тухайлбал: ● Настнууд яагаад асрамжийн газар амьдрахаар ирдэг вэ? ● Асрамжийн газрын эерэг болон сөрөг талууд юу вэ? ● Тэнд настнууд амьдралынхаа сүүлчийн хугацааг хэрхэн яаж өнгөрүүлдэг вэ? ● Монголд асрамжийн газар байх шаардлагатай юу? ● Зарим хүмүүсийн хувьд, эцэг эхээ асрамжид өгч байгаа нь өөрөө тэднийгээ хайрлаж байгаа нэг хэлбэр нь байж болох талтай юу? Асрамжийн газрыг зөвхөн ядуу, гэр оронгүй настнууд очоод зовдог газар мэтээр хардаг сөрөг үзэл бодлыг өөрчилж, харин ч эсрэгээрээ хайрлагдсан хүмүүсийн очдог сонголт нь болж яагаад болохгүй гэж, гэсэн өнцгөөс харуулахыг зорьсон билээ. Энэ ном нь зөвхөн асрамжийн газрын тухай төдийгүй, хүн бүрийн амьдралын төгсгөл, үлдсэн амьдралын үнэ цэнэ, хайр, халамжийн тухай бодол санааг төрүүлэхээс гадна тэдний хувийн амьдралын түүхээс дор бүрчлэн өгүүлсэн болно. Өгүүлэгч: Б.Ариунзул Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2025 он.

Нүдээ анингуут л хуучны дурсамж сэдэрч, бүх зүйл эхэлж асан тэрхүү үе рүү эргээд очих мэт болно. Номын дэлгүүрийн хаалга онгойж, түүнийг орж ирэхэд салхиар туугдсан хоёр гурван шаргал навч эргэлдэн бүжсээр газар уналаа. Хөвөн даавуун гадуур хүрмийнхээ ханцуйг шамлаж, дотуур нь урт хоолойтой цагаан ноосон цамц өмсжээ. Би энд ажиллаад хоёр долоо хонож байна, харин тэр гурав дахь удаагаа орж ирж байгаа нь энэ. Түүнийг Сэм Обаяаши гэдэг, бид Англи хэлний хичээлд хамт суудаг. Өнөөдөр түүнийг ороод ирэх болов уу гэж өдөржин цонх харуулдаж билээ. Гэхдээ яагаад ч юм бэ, бид нэг ч үг сольж үзээгүй. Тохироо бүрдээгүй гэх үү дээ. Намайг хүмүүст үйлчилж, ном өрж байх зуур тэр дэлгүүрээр холхино. Ямар нэг юм хайгаа юу? Эсвэл зүгээр л номын дэлгүүр таалагддаг хэрэг үү? Арай би таалагддаг юм биш байгаа? Нэрийг минь мэддэг болов уу гэж бодсоор тавиураас ном буулгаж байх зуур түүний хүрэн бор нүд онгорхой завсраар үзэгдэж, бид анх удаа харц тулгарлаа... Бүтээлийг уншсан: Б.Ариунзул Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

ЭРДЭНЭСИЙН САН - Дэлхийн хүүхдийн сонгодог зохиолын дээжис Ойд мэндэлсэн бугын жаахан ил ойн жимээр аялж, ертөнц дахинтай танилцаж эхэлнэ. Түүний эцэг эх, найз нөхөд, дайсан гээд ойн дунд аж төрөхийн утга учрыг өөр өөрийнхөөрөө нээсэн олон дүр энд гарна. “Буга бид хэнийг ч алдаггүй, гэхдээ бид хүнтэй эн тэнцүү хүч чадалтай, арга ухаантай байх хэрэгтэй. Тэд бидэнд үхэл илгээж байсан ч бид амьдрах л ёстой. Бид өөрсдийн амьдрал ахуй, удам судраа хамгаалж, ямар байсан бэ, яг тэр чигээр нь авч үлдэх ёстой. Ингэхийн тулд сонор соргог, нарийн мэдрэмжтэй, авхаалж самбаатай, ялагдашгүй байх ёстой. Гагцхүү аймхай л байж болохгүй. Энэ бол Амьдралын агуу их хууль” гэж уг номд өгүүлсэн буй. Бүтээлийг уншсан: Б.Ариунзул Найруулагч: Д.Баярнэмэх "М Нэмэх" студид бүтээв. Зохиогчийн эрх хуулиар хамгаалагдсан 2023 он.

Шулам болохоор бэлтгэгдэж буй Кики охин аливаа сорилтод үргэлж бэлэн байдаг. Тэр 13 нас хүрмэгцээ шулам болох эсэхээ шийдэн, шулмуудын уламжлал ёсоор гэрээсээ явж, нэг ч шулам амьдардаггүй хот, тосгоныг хайж олоод бие даан амьдрах ёстой билээ. Түүний шулмын онцгой ид шид энэ хотын хүмүүст аз жаргал авчирна хэмээн итгэж Корико нэртэй далайн эрэгт байрлах хотыг сонгон амьдрахаар болдог. Гэвч хотын иргэдийн түүнд итгэх итгэл нь төсөөлж байснаас бага байлаа. Аз болоход түүний хөгжилтэй, найдвартай Жижи муур түүнтэй хамт аялалд гарсан бөгөөд тэдний аялал төсөөлшгүй сонин содон үйл явдлаар дүүрэн ажээ. Бүтээлийг уншсан: Б.Ариунзул Найруулагч: Д.Баярнэмэх, М.Сүрэнхорлоо "М BOOK" студид бүтээв. Зохиогчийн эрх хуулиар хамгаалагдсан 2023 он.

1937 оны хэлмэгдлийн үед үйл явдал нь өрнөх энэ романд монгол бүсгүйн үнэнч хайрын тухай өгүүлсэн агаад бодит хүний намтраас сэдэвлэн бичжээ. Зохиолч Б.Шүүдэрцэцэгийг 1990-ээд оны эхээр Эрхүү хотод сурч байхад ангийнх нь нэгэн орос охины эмээ нь хэлмэгдсэн нөхрөө хайж очоод тэндээ үлдэж орос хүнтэй гэрлэсэн монгол эмэгтэй гэдгийг сонссоноо роман болгон бичсэн нь энэ аж. Өгүүлэгч: Б.Ариунзул Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.

Хүүхдийн авьяас чадвар, оюун ухаан төрөлхөөс заяагддаггүй. Төрснөөс хойших эхний гурван жилд хүүхдийн үндсэн тулгуур чадварууд үүсэн бий болдог чухал үе учраас эцэг эхчүүд хүүхдүүддээ энэ насанд нь хамгийн их анхаарал хандуулж, цаг заваа зарцуулах ёстой аж. Тэгвэл хэрхэн, яаж гэдэг асуултыг ГУРВАН НАС ХҮРЭХЭД ОРОЙТНО номоос олж сонсоорой. Орчуулсан: А.Арвий Өгүүлэгч: Б.Ариунзул Найруулагч: Д.Баярнэмэх, М.Сүрэнхорлоо Бүтээсэн студи: "Mbook Studio"

...Бовари хатагтай айлдаа орон тоглосонгүй. Шарль гараад явсан хойгуур элдвийг Эмма эргэцүүлэн бодвол үзсэн харсан зүйлс тодын тод боллоо. Эмма орон дээрээ хэвтээд улалзан байгаа галыг алдалгүй ширтсэнд нэг гартаа тахир таяг бариад, нөгөө гартаа зогсоо зайгүй мөс шимж буй Аталиг барьж байсан Леон нүдэнд үзэгдэв. Леон гоё хар хүү шиг Эммад бодогдоно. Эмма бодолдоо түүнийг ширтлээ. Тэр нэгэн өдөр Леоны зогсож байсан байдал, хэлсэн үг, хоолойноос нь гарах дуу, биеийн бүх байдал ээлж дараалан санаанд оров... Өгүүлэгч: Б.Ариунзул 'MBOOK' студид бүтээв.

Хүүхдэд багаас нь санхүү, мөнгөний талаарх зөв ойлголтыг өгөхөөр энгийн хөнгөн сэдвүүдээр тайлбарласан ном. Өгүүлэгч: Б.Ариунзул Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Эмх замбараагүй зүйлгүй амьдрал! Үүнийг та хүсэхгүй гэж үү? Бидний мэддэгээс хамаагүй илүү сайхан амьдрах аргууд бий. Цэвэрхэн цагаан хана, цэмбэгэр хувцаслалтаар минимализмыг бүү дүгнээрэй. Энэхүү номдоо минималист амьдрахын утга учрыг зохиогч, орчуулагч Б.Хулан маш энгийнээр сонирхолтой тайлбарлан бичжээ. “Минималист” ном танд зориулагдсан Өгүүлэгч: Б.Ариунзул Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2021 он.

Аугаа удирдагч, амжилттай яваа бизнесмен гээд тэдгээр хүмүүс бүгд нэг зүйлээрээ адилхан нь тэд бүгд харизм өндөртэй хүмүүс ажээ. Та ХАРИЗМ номыг уншсанаар бусдад нөлөөлөх чадвараа нэмэгдүүлж, хүмүүсийн итгэлийг хүлээж, тэдэнд урам зориг өгөхөөс гадна манлайлах чадварыг тань нэг биш олон шат ахиулна гэдэгт итгэлтэй байна. 6-р бүлгийн "Өөрийн төрөлх зан төлөвийг тодорхойлох хүснэгт"-ийг уг холбоосоор үзээрэй. https://i.imgur.com/Zk1PWCq.jpeg Өгүүлэгч: Б.Ариунзул Найруулагч: Д.Баярнэмэх "Мbook" студид бүтээв. Зохиогчийн эрх хуулиар хамгаалагдсан 2021 он.

Ц.Оюунгэрэл зохиолчийн "Миний ажлын Ноу-Хау" бүтээл шинэчлэгдсэн нэмэлт бүлэгтэйгээр та бүхний сонорт хүрэхэд бэлэн боллоо. Оюуны өмчөөс гадна таны бас нэг том өмч бол цаг хугацаа. Энэ өмчийг бурхан хүн бүхэнд адилхан заяажээ. Хүн яаж ч баяжаад танаас илүү цаг хугацаатай болж чадахгүй юм. Иймээс таны ажил олгогч бүхнийг өөрөө хийе гэсэн ч цаг хугацаанд хавчигдах тул аргагүйн эрхэнд таныг хөлслөн ажиллуулж байгаа. Та ажлын цагтаа бүрэн хэмжээгээр хоёргүй сэтгэлээр ажилла. Ажлынхаа цагаас бүү хийдүүл. Хөлс төлж байгаа ажлын цаг хугацааг ажил олгогчдоо үнэнчээр зориулж сур. Харин өөрийнхөө мэдлийн цагийг "Юмтай хүн юмаа харамлаж буй" мэт ямар ч эргэлзээгүйгээр шулуухан харамла. Та ажил олгогчдоо хөлс мөнгөгүйгээр зарцуулсан цаг бүхнийхээ төлөө өөр нэмэлт ажил хийж, орлого олох боломжоо алдаж байдаг. Үгүй дээ л өөрийгөө хөгжүүлэх цагаа алдаж байдаг. Ийм учраас өөрийн мэдлийн цагийг өмчилж сур. Өгүүлэгч: Б.Ариунзул Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2021 он.

Орчуулсан: Лингостик ХХК | Орчуулгын үйлчилгээ Амьдралаа өөрчилж, эерэг сэтгэлгээг төлөвшүүлэхэд бэлэн үү? Тийм бол Векс Кингийн “Сайхан мэдрэмж, сайхан амьдрал” ном танд хэрэг болно. Эерэг долгион/VIBE буюу сайхан мэдрэмж нь мөрөөдлийн амьдралаа бүтээх гол түлхүүр хэмээн Кинг онцолжээ. Талархал, баяр баясал зэрэг эерэг энергийг өөрөөсөө цацруулбал энэ нь эргээд эерэг бүхнийг татах юм. Эсрэгээрээ үзэн ядаж, харамсаж, яаран тэвдэж байвал амьдралд тань сөрөг энерги бий болж, улам л хүнд бэрх болно. Өөрийгөө хайрлаж, хүлээж авах нь сөрөг энергиэ багасгаж, эерэг энергээ нэмэх арга гэж Кинг үздэг. Олон нийтийн сүлжээнд алдартай нөлөөлөгч, оюун санааны дасгалжуулагч, зохиолчийн хувиар Кинг “Нууц” номыг уншиж, таталцлын хуулийг ойлгосныхоо дараа өөрийн онол болох хэлбэлзлийн хуулийг гаргаж ирсэн. Энэ номыг уншсанаар бид хэлбэлзлийн хуулийн тухай, долгионоо нэмэгдүүлэх, өндөр байлгахын тулд юунаас зайлсхийх талаар мэдэж авах юм. Мөн төгс гэж боддог амьдралаа цогцлоохын тулд ашиглаж болох арга техникүүдийн тухай ярилцана. Сайхан мэдрэмж төрүүлж, сайхан амьдарч сурахдаа бэлдээрэй!

Орчуулсан: Лингостик ХХК | Орчуулгын үйлчилгээ Сэтгэл санааны хувьд том болж хэрсүүжиж чадаагүй эцэг эхийн гар дээр өссөн олон хүний амьдрал адилхан. Тэдний олонх нь эцэг эхтэйгээ он удаан жил үргэлжилсэн төвөгтэй, таагүй харилцаатай байдаг. Хүн бүрд маш чухал байдаг дотно харилцааг эцэг эх нь өгч чадаагүйн улмаас хүүхдүүд насанд хүрсэн хойноо төөрөгдөл, үзэн ядалт, ганцаардлыг мэдэрдэг. Ийм “балчир” эцэг эхчүүд үнэ цэнтэй, өвөрмөц, онцгой гэдгийг нь хүүхдүүддээ ойлгуулж чаддаггүй. Тиймээс хайрыг хүртэхийн тулд нээлттэй байхаас зайлсхийдэг эцэг эхийнхээ хамгаалалтын механизм бүхий хүрээнд хүүхдүүд нь хүчээр орох хэрэгтэй болдог. Сэтгэл санааны хөгжил сул эцэг эхчүүдийн гол шинжүүдийг сэтгэл зүйч Линдсей Гибсон энэхүү номдоо тодорхойлж, тэдний зан авир хүүхдүүдэд нь хэрхэн нөлөөлдөг тухай дэлгэрэнгүй бичсэн. Мөн тэрбээр хүйтэн хөндийн харилцаанаас болж бага насандаа зовсон насанд хүрэгчдэд тусалж, тэдний болон эцэг эхийнх нь харилцааг хортойгоос тэвчихүйц болгон өөрчилж, бусад хүнтэй эрүүл харилцаа тогтоох аргуудыг зааж өгчээ. Эцэг эхийнхээ гаргадаг зан авир, хөндий хүйтэн, хайхрамжгүй хандлагыг давж гарахын тулд хүүхдүүдийн ашигладаг механизм, мөн насанд хүрсэн хойно нь тэдэнд тулгардаг сорилтууд, сэтгэл зүйгээ эдгээж, дэвшил гаргахад нь ашиглах аргуудын тухай бид ярилцах болно. Түүнчлэн сэтгэл санааны хөгжилд нас хамаагүйг, аз жаргал авчирдаггүй зүйлийг яагаад хүсээд байдгаа ойлгоход тань танд энэ ном тусална.