Өөрийгөө дайчилъя гээд ч хүч үлдээгүй бол өөр зам сонгох цаг чинь болсон. Харин та яадаг вэ? Ийм бодол хэзээ нэгэн цагт төрж байв уу? -Хурдан гүйгээд байгаа хэр нь бариа ойртохгүй байгаа юм шиг -Улам илүү зүтгэл гаргамаар байвч эрч хүч тань дутагдаад байгаа мэт -Аливаа зүйл байгаагаасаа илүү хүнд хэцүү санагдаж байвал. Хэрэв эдгээрийн аль нэгэнд, эсвэл бүгдэд нь тийм гэж хариулсан бол та зөв номоо олжээ. Итгэж явсан бүхэн нуран унах ямар хэцүү гээч. Өр шир, бүтэлгүй харилцаа, хайртай нэгнээ алдах гээд л хорвоогийн өдрүүдийг туулахад бэрх санагдах үе бидний амьдралд тохионо. Ном уншаад л энэ олон асуудал бэрхшээл үгүй болчихно гэвэл худал. Хатуу бэрхийг зөөллөх гэж би энэ номыг бичсэнгүй, харин хялбараар даван туулахад туслахыг л хүссэн юм. Бүх зүйлийг хөнгөвчилж чадна гэж амлахгүй ч нэлээд олон зүйлийг хялбаршуулж чадна гэж бодож байна. Бүтээлийг уншсан: Б.Пүрэвдагва Найруулагч: Д.Баярнэмэх "Блью Нөүтс" студид бүтээв. Зохиогчийн эрх хуулиар хамгаалагдсан 2023 он.

Японы нэрт зохиолч Мишима Юкиогийн “Хайрын цангаа” романд гол дүрийн эмэгтэй Эцүкогийн нөхөр гэдэсний хижиг өвчин туссанаар, дур гутан нүд халтирам нэгэн бодгаль болж үхнэ. Ийн залуугаараа бэлэвсэрсэн хүүхэн хадам эцгийндээ нүүж ирэн хөгшний үгийг дуулгавартай дагаж, таашаал тачаалыг нь гүйцэлдүүлэн амьдрах юм. Өдрүүдийг ийн барахуй Эцүко хадмынхаа залуухан зарц Сабүрод дурлаж орхино. Зохиолч Мишима Юкио энэхүү романаа 1950 он буюу ид залуу хорин тавтайдаа бичиж байжээ. Японы найруулагч Кориёши Күрахара энэхүү романаас нь сэдэвлэсэн ижил нэрт киног 1967 онд бүтээсэн билээ. Бүтээлийг уншсан: Б.Уламбаяр Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2024 он.

Эдгар Аллан По нь детектив зохиолын эцэг гэгдэхээс илүүтэйгээр мэдрэгдэх зүйл нь түүний гүн ухааны эсээг уншихуй ар нуруугаар хүйт дааж хөлс чийхран хилэн хар далавчаа дэвээд цусаа савируулан нисэж үхэгсдийн дундуур яваа хэрээний тухай, эсвэл сэтгэл доторх аль нэг эрхтнээс цус шүүрч буй мэт өвдөлт зовуурь нь чинээндээ тулсан үхлийн тухай, бурхдын тухай өгүүлэх гоц ухаантнуудын ганьхарч дууссан эцсийн үг мэт алгуурхан хэрчих, зүрх догдлом адал явдал хийгээд ертөнцийнх бус мэт үйл дэх аймшигтай үнэн, этгээд гажууд жигтэй зүйлсийн тухай тунхаглана. Бүтээлийг уншсан: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2024 он.

Нүдээ анингуут л хуучны дурсамж сэдэрч, бүх зүйл эхэлж асан тэрхүү үе рүү эргээд очих мэт болно. Номын дэлгүүрийн хаалга онгойж, түүнийг орж ирэхэд салхиар туугдсан хоёр гурван шаргал навч эргэлдэн бүжсээр газар уналаа. Хөвөн даавуун гадуур хүрмийнхээ ханцуйг шамлаж, дотуур нь урт хоолойтой цагаан ноосон цамц өмсжээ. Би энд ажиллаад хоёр долоо хонож байна, харин тэр гурав дахь удаагаа орж ирж байгаа нь энэ. Түүнийг Сэм Обаяаши гэдэг, бид Англи хэлний хичээлд хамт суудаг. Өнөөдөр түүнийг ороод ирэх болов уу гэж өдөржин цонх харуулдаж билээ. Гэхдээ яагаад ч юм бэ, бид нэг ч үг сольж үзээгүй. Тохироо бүрдээгүй гэх үү дээ. Намайг хүмүүст үйлчилж, ном өрж байх зуур тэр дэлгүүрээр холхино. Ямар нэг юм хайгаа юу? Эсвэл зүгээр л номын дэлгүүр таалагддаг хэрэг үү? Арай би таалагддаг юм биш байгаа? Нэрийг минь мэддэг болов уу гэж бодсоор тавиураас ном буулгаж байх зуур түүний хүрэн бор нүд онгорхой завсраар үзэгдэж, бид анх удаа харц тулгарлаа... Бүтээлийг уншсан: Б.Ариунзул Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

«Амьдрал ахархан байх тухайд» номд Сенека хүмүүс өөрийн амьдралыг хэтэрхий богинохон хэмээн үздэг боловч амьдралын цаг хугацааг ухаалгаар ашиглаж, ухамсартай зарцуулбал хангалттай урт гэдгийг ойлгуулахыг зорьсон. Сенека эсээндээ хүмүүс өөрсдийн цаг хугацааг үнэлдэггүй, ихэвчлэн утга учиргүй, анхаарал сарниулах төдий зүйлс, үл бүтэх хязгааргүй хүслээ гүйцэлдүүлэхээр дэмий үрдэг болохыг анхааруулсан. Өгүүлэгч: Б.Пүрэвдагва Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

Хүн төрөлхтний тэргүүлэх оюун санааны ололтын нэг болсон Стоик философийн сонгодог бүтээл «Бодролууд» нь өөрөө өөрийгөө ялан дийлж, жам ёсыг ухаарч, байгальтай зохицон амьдарч, аз жаргалыг гаднаас биш, өөрөөсөө олж, ямар ч нөхцөл байдалд сонголт хийх эрх чөлөөгөө гартаа атгахын сайн сайхныг танд мэдрүүлэх болно. Өгүүлэгч: Э.Алтангэрэл Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

Байгаль орчны бохирдол гамшгийн хэмжээнд тулснаас Япон орон гадаад ертөнцөөс тусгаарлагджээ. Урьдын юм бүхэн өөрчлөгдөж нас, хүйс, ажил мэргэжил, хэл яриа ч төрөл арилжсан энэхүү шинэ ертөнцөд хүүхэд багачууд нь эрүүл саруул өсөж торнихоо байж, залуус нь орхигдож гээгдэн, өндөр настнууд нь харин шинэ идэр үеийнхэн болон өндийж бүхий л ажлыг гүйцэтгэнэ. Зээнцэр хүүгээ харж хандах зуу хол давсан Иоширо ч ялгаагүй шинэ Японы хамгийн идэвхтэй үлдсэн иргэдийн нэг. Тэр өглөө болгон гүйнэ, зээнцэр хүү Мүмэйдээ ширхэг жүрж ч болох нь ээ олж өгөх гэж өдөржин гадуур явна. Иоширо мөн Элчингүүдийн нийгэмлэг гэх нууц байгууллагын гишүүн агаад энэ байгууллага нь Мүмэй шиг хүүхдүүдээс Элчин болох хүүхдийг сонгон хилийн чанад руу илгээх ганц зорилготой. "...Үхэж чадахаа байсан өтөл настнууд нь хэдий мөнх амьдралаар шагнагдсан ч ач, гуч, ачинцар, зээнцрээ өөд одохыг үзэх аймшигт тавиланд унажээ..." Өгүүлэгч: Э.Алтангэрэл Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2025 он.

“Аялагч муурын тэмдэглэл” нь гудамжинд толгой хоргодох золбин муур Нанаг аварч өсгөсөн залуу Саторүгийн тухай өгүүлнэ. Нэг өдөр Саторү Нанаг өөр хүнд үрчлүүлэхээр шийдэж, Япон даяар хуучин найзуудтайгаа уулзан аялж эхэлдэг. Тэдний аяллын явцад Саторүгийн бага нас, нөхөрлөлүүд, амьдралдаа хийсэн сонголтууд аажмаар ил болж, Нана эзнийхээ нууцалж яваа үнэнтэй нүүр тулна. Муурын өнцгөөс хүнийг ажиглан өгүүлэх хэлбэр нь энэ түүхийг илүү өвөрмөц болгоно. Өгүүлэгч: Б.Дархансүх Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

"Нууцыг задруулсан захиа" тэргүүт түүхэн өгүүллэгүүд "Нууцыг задруулсан захиа" өгүүллэгт нэгэн захиа санамсаргүй байдлаар буруу хүний гарт орсноор тухайн захианд бичигдсэн мэдээлэл бусдад тархаж, хүмүүсийн харилцаа, итгэлцэлд үл ойлголцол үүсдэг. Энэ явдлаар дамжуулан зохиолч “бичигдсэн үг нэгэнт ил болсон бол буцаах боломжгүй” гэсэн санааг тодруулж, хүний болгоомжгүй үйлдэл хэрхэн том үр дагаварт хүрч болохыг харуулна. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Монгол ахуй, хөдөлмөр, хайр сэтгэл, хүний дотоод тэмцлийг уянгын өнгө аясаар өгүүлсэн тууж юм. Тээрмийн чулуу шиг цаг хугацаанд элэгдэн амьдарч буй эгэл хүний хувь тавилан, амьдралын хатуу үнэн, уламжлалт ахуйг гүн мэдрэмжтэйгээр дүрсэлжээ. Өгүүлэгч: Б.Пүрэвдагва Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Намрын борооны усан мананд аймгийн төвийн байшин барилга тэртээ алсад сүүмийх уул хад шиг бараантан дүнхийнэ. Гурилын тээрмийн өндөр цагаан барилгын тэргүүн, зүс бороо хөшгөн саарал үүлсийг нэвтлэн нүднээ үл үзэгдэнэ. Өгүүлэгч: Б.Пүрэвдагва, Б.Мөнхтуяа Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Сэлэнгэ мөрөн үерлэж, хүмүүсийн амьдрал хүнд байдалд орсон үе. Голын аашийг андахгүй мэддэг усчин Дэнзэн өвгөн үерийн усны хэмжээг ажиглан суудаг бөгөөд хүмүүс осолдсон эсэхэд хамгийн түрүүн санаа зовно. Үерийн улмаас айлууд эд хөрөнгө, малаа алдаж, зарим нь урссан зүйлээ хайж явна. Энэхүү тууж нь Сэлэнгэ мөрний сүр хүчийг гайхамшигтай дүрслэхийн зэрэгцээ, амьдралын хатуу мөчид хүний жинхэнэ чанар хэрхэн илэрдгийг уянгын атлаа бодит өгүүлэмжээр харуулсан бүтээл юм. Өгүүлэгч: С.Ганбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Их зохиолч Д.Нацагдоржийн “Шувуун саарал” тэргүүт өгүүллэгийн түүвэр. Өгүүлэгч: Б.Дархансүх Найруулагч: Д.Баярнэмэх "MBOOK" студид бүтээв. Зохиогчийн эрх хуулиар хамгаалагдсан 2026 он.

Энэхүү туужид барилгын ажил хийдэг Даваа олон жилийн дараа төрсөн нутагтаа ирж буйгаар үйл явдал өрнөнө. Тэрээр нутаг ус, хуучин дурсамжаа санан, шинэ барилга барих ажилд оролцоно. Сумын хүмүүс, ажил хөдөлмөрийн амьдралын дунд Даваа нэгэн бүсгүйтэй учирч, өнгөрсөнтэй нь холбоотой нууц аажмаар илэрдэг. “Нэгэн байшингийн тууж” нь хүний өнгөрсөн амьдрал, нутаг усны өөрчлөлт, хүмүүсийн хувь заяаг нэгэн байшингийн түүхтэй холбон өгүүлсэн зохиол юм. Өгүүлэгч: Б.Баярсайхан Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.